वांग्याचं भरीत

साहित्य:

• मोठे काळे वांगे – १.
• लसूण – १ गड्डी (१२ ते १५ पाकळ्या).
• हिरव्या मिरच्या - ४.
• आले – १/४ इंच.
• जिरे – १/४ टी स्पून.
• राई – १/४ टी स्पून.
• हळद -१/४ टी स्पून.
• हिंग – १/४ टी स्पून.
• कडीपत्ता – ६ ते ७ पाने.
• तेल – ५ ते ६ टी स्पून.
• मीठ – चवीनुसार.

कृती:

• वांगं गॅस वर ठेवून सर्व बाजूनी साल पूर्ण काळी होऊन पापुद्रे निघेपर्यंत भाजून घ्यावे.
• आता ते थंड होऊ द्या.
• लसूण, आले हिरवी मिरचीचा खरखरीत जाडसर ठेचा मिक्सर ला वाटून घ्या.
• वांगं थंड झाल्यावर त्याची साल काढून वरचे वर पाण्याने धुवून घ्या व मधून कापून घ्या.
• आता एक तवा गरम करून त्यावर तेल घाला, तयार राई घालून तडतडू द्या त्यानंतर जिरे घालून परतून घ्या व कडीपत्ता थोडा चुरडून घाला.
• त्यानंतर मिक्सर मध्ये वाटलेलं ठेचा घालून हळद व हिंग घाला आणि १ मिनिटं त्याचा कच्चेपणा जाईपर्यंत परतून घ्या.
• आता त्यात वांग घाला व ते तव्यावरच कुस्करून घ्या.
• मीठ घालून सर्व मिश्रण एक ते दीड मिनिटे चांगले परतवून घ्या. 
• व झाकण ठेवून दीड ते २ मिनीटे शिजू द्या परंतु मध्ये मध्ये परतत राहावे जेणेकरून भाजी तव्यावर चिकटणार नाही.
• आवश्यक वाटल्यास तुम्ही त्यात आणखी तेल घालू शकता, वांग्याचे भरीत करताना तेलाचा वापर जास्त केला जातो यामुळे वांग्याचा वातूळपणा कमी होऊन ते पोटास बाधत नाही शिवाय त्याची चव ही वाढते.
• पाणी पूर्णपणे आटून भाजी कोरडी झाली की गॅस बंद करा.
• झटपट स्वादिष्ट वांग्याचं भरीत तयार आहे, नक्की करुन पहा व रेसिपी आवडल्यास शेअर व कंमेंट नक्की करा.

टीप: वांगं भाजण्यापूर्वी त्यावर थोडा तेलाचा हात फिरवल्यास त्याची साल सहज निघते.