चवळीची पालेभाजी

लो कॅलोरी, फायबर युक्त, चविष्ट अगदी कमी साहित्यात कमी वेळात व बनवायला सोपी अशी पालेभाजी.

साहित्य:

• चवळीची पालेभाजी -१ जुडी.
• लसूण पाकळ्या  - १०-१२.
• हिरव्या मिरच्या -१-२ लहान.
• मीठ - चवीनुसार.
• तेल - १ टी स्पून.

कृती:

• चवळीची पाने अगदी कमी देठा सोबत निवडून घ्या व स्वछ धुवून घ्या.
• हिरवी मिरची आणि लसूण मिक्सर मध्ये जाडसर वाटून घ्या.
• एका कढईत तेल तापवून घ्या.
• त्यात हिरवी मिरची व लसणाचा ठेचा घाला एकदा परतून लगेचच भाजी घाला व चांगली परतून घ्या.
• आता झाकण ठेवून १-२ मिनीटे शिजवा एकदा परतून आणखी १-२ मिनिटे शिजवा
• आता मीठ घालुन भाजी परतून घ्या. व पुन्हा झाकण ठेवून १ मिनीटे शिजवा.
• भाजी तयार आहे ही भाजी ज्वारीच्या भाकरी सोबत छान लागते.

टीप: पालेभाजी शिजल्यावर आळुन कमी होते म्हणून पालेभाजी करताना मीठ नेहमी शेवटी टाकावे म्हणजे भाजी खारट होत नाही.