कोबी थालीपीठ

कोबीचे फायदे: कोबीमध्ये व्हिटॅमिन सी असते, त्यामुळे आपल्याला आपली प्रतिकारशक्ती वाढविण्यात मदत होते, कोबी आपले पचन सुधारते. स्वयंपाकासाठी कोबी नेहमी ताजे निवडा.

तर कोबी थालीपीठ कसे बनवायचे त्याची कृती पाहू

साहित्य: 

• कोबी २५० ग्रॅम.
• आले लसूण पेस्ट १ टीस्पून.
• मिरचीची पेस्ट १/3 टीस्पून.
• जिरे १/४ टीस्पून.
• गव्हाचे पीठ (१ आणि १/२ चहाचा कप).
• चण्याच्या डाळीचे पीठ (१ आणि १ / २ टेस्पून)
• चवीनुसार मीठ.
• आवश्यकतेनुसार पाणी. 
• तेल - २ टीस्पून. 
• तूप - पर्यायी 

कृती:

• प्रथम कोबी धुवून बारीक चिरून घ्या. 
• एका मोठ्या थाळीत कोबी, सर्व पेस्ट, जिरे व मीठ मिसळा. 
• सरसरित मऊसर कणिक मळा आवश्यक असल्यास थोडेसे पाणी वापरू शकता आता मोठ्या लिंबाच्या आकाराचे गोळे बनवा.
• कोणताही प्लास्टिक चा कागद किंवा दुधाचे प्लास्टिक कव्हर घ्या, आणि आपल्या हातांना व प्लास्टिकला थोडेसे तेल लावा.
• आता गोळे थापुन थालीपीठ बनवा.
• गरम तव्यावर थोडे तेल घाला, थालीपीठ उचलताना प्लास्टिक सहित उचला व थालीपीठ तव्यावर अलगद सोडा.
• आता त्यात बोटाने मध्ये  ३-४ छिद्रे करा जेणेकरून थालीपीठ चांगले शिजेल.
• आता ते लालसर रंग येई पर्यंत भाजू द्या. अर्ध्या मिनिटानंतर झाकण ठेवा.
• चर आवाज आला म्हणजे थालीपीठ.
• शिजले आहे आता ते पलटून दुसरी बाजू देखीलचं खरपूस भाजून घ्या.
•  थालीपीठवर तूप लावून खोबऱ्याच्या चटणी, सॉस किंवा शेजवान चटणी बरोबर सर्व्ह करा.
• तर ही रेसिपी तुम्ही नक्की करून पाहा आणि तुम्हाला आवडली तर नक्की कंमेंट आणि शेअर करा.