व्हेजिटेबल मसाला मॅगी

साहित्य:

• मसाला मॅगी – २.
• हिरव्या मिरच्या उभ्या चिरुन – ३.
• कांदे उभे चिरुन – २ मध्यम.
• टोमॅटो उभा चिरुन – १.
• शिमला मिरची लांब चिरुन– १/४ वाटी.
• कोबी लांब चिरुन – १/४ वाटी.
• गाजर बारीक चिरुन – १ टी स्पून.
• हिरवी मिरची मध्ये उभ्या चिरुन – ३.
• कोथिंबीर बारीक चिरून – २ टी स्पून.
• लसूण पाकळ्या बारीक चिरून – ७ ते ८.
• आले– १/२ इंच.
• व्हिनेगर – १/४ टी स्पून.
• काळी मिरी क्रश – १/४ टी स्पून.
• साखर – चिमूटभर.
• तेल – ३ ते ४ टे स्पून.
• मॅगी मसाला – २.
• काळे मीठ – चिमूटभर.

कृती:

• एका कढईत तेल थोडे गरम करून घ्या, त्यात जिरे घाला.
• त्यात बरीक चिरलेला लसूण व किसून किंवा लांब पातळ चिरलेले आले घाला.
• लसूण व आले थोडे पिवळसर रंगावर परतून घ्या व मिरच्या घाला व परता.
• आता यात कोबी घालुन १ ते २ मिनीटे परतून घ्या.
• आता शिमला मिरची, गाजर घालून ती देखील १ ते २ मिनीटे परतून घ्या सर्व भाज्या निम्म्या परतून झाल्या की त्यात कांदे घालून ते मऊ गुलाबी रंगाचे होईपर्यंत परतून घ्या.
• आता त्यात कोथिंबीर, काळे मीठ, मॅगी मसाला, साखर घालून थोडे परतून घ्या.
• त्यानंतर त्यात टोमॅटो घालून ते पूर्णपणे मऊ व गाळ होईपर्यंत झाकण ठेवून शिजू द्या.
• एका टोपामध्ये एक ते दीड ग्लास पाणी चांगले उकळा. त्यात दोन मॅगी मधून उभे दोन ते तीन तुकडे करून घाला व गॅस तीव्र आचेवर ठेवून नीट एकत्र करून घ्या.
• आता त्यात १ टी स्पून तेल घाला, व मॅगी ७० ते ८० टक्के शिजवून घ्या. आता मॅगी एका चाळणीत ओतून त्यातील सर्व पाणी काढून टाका व ती नळाखाली धरून त्यावर मॅगी सर्वबाजुनी पूर्णपणे थंड होईल इतके पाणी सोडा. 
• आता पाणी पूर्णपणे गाळून ती तयार केलेल्या मसाल्यात घाला, मसाला व मॅगी चांगली एकत्र करून घ्या. व मॅगीला सर्वबाजूने मसाला लागेपर्यंत परतून घ्या.
• आता गॅस बंद करून मॅगी काही सेकंदासाठी झाकून ठेवा व गरम गरम सर्व्ह करा.