पनीर चिली

साहित्य:

• पनीर – १०० ग्रॅम.
• हिरव्या मिरच्या उभ्या चिरुन – ४.
• कांदे लांब चिरुन – १+१/२ वाटी.
• कांद्याची पात बारीक चिरुन – २ टे स्पून.
• शिमला मिरची लांब चिरुन– १/२ वाटी.
• कोबी लांब चिरुन – १/४ वाटी.
• लसूण पाकळ्या बारीक चिरून – ७ ते ८.
• आले– १/२ इंच.
• आले लसूण ची पातळ पेस्ट – २ टे स्पून.
• सोया सॉस- २ टी स्पून.
• रेड चिली सॉस – २ टी स्पून.
• व्हिनेगर – १/२ टी स्पून.
• शेजवान चटणी – २ टी स्पून.
• काळी मिरी क्रश – १/२ टी स्पून.
• साखर – चिमूटभर.
• तेल – २ ते ३ टे स्पून.
• मीठ – चवीनुसार.

कृती:

• एक नॉनस्टिक पॅन चांगला गरम तापवून घ्या, त्यावर थोडे तेल घालून ते चांगले तापवून घ्या, 
• त्यात बरीक चिरलेला लसूण घाला, व पातळ लांब काड्यांमध्ये कापलेले आले घाला, तेल खूप गरम तापले की फोडणी उडते त्याची सावधानता बाळगा.
• लसूण व आले थोडे पिवळसर रंगावर परतून घ्या व मिरच्या घाला व परता आता त्यात बारीक चिरलेली कांद्याची पात घालून छान परता.
• आता यात कोबी घालुन १ ते २ मिनीटे परतून घ्या.
• आता शिमला मिरची घालून ती देखील १ ते २ मिनीटे परतून घ्या सर्व भाज्या निम्म्या परतून झाल्या की त्यात कांदे घाला.
• ह्या सर्व भाज्या गॅस तीव्र आचेवर ठेवूनच परताव्यात, अधून मधून गॅस मंद आचेवर करू शकता जेणेकरून भाज्या करपणार नाहीत.
• आता यात मीठ, साखर घालून  भाज्यांना ते व्यवस्थित लागेपर्यंत परतून घ्या व आता आले लसूण पेस्ट घालून तिचा कच्चेपणा जाईपर्यंत परतुन घ्या.
• सर्व सॉसेस घालून मिश्रण चांगले एकत्र करून घ्या. वरून काळी मिरी क्रश घालून ती चांगली एकत्र करा, आता पनीर चे हवे तसे तुकडे करून ते घाला व ते १ ते २ मिनीटे परतून घ्या, व झाकण ठेवून एक ते दीड मिनीटे पनीर शिजू द्या.
• पनीर चिली तयार आहे. ही गरम गरम सर्व्ह करा.