मिसळ पाव

महाराष्ट्रातली प्रसिद्ध सर्वांना आवडणारी स्वादिष्ट आणि पौष्टिक, अगदी घरच्या साहित्यात होणारी सोपी आणि झटपट रेसिपी, तुमच्या पण तोंडाला पाणी सुटले ना! चला तर मग पाहुयात कशी करायची ते


साहीत्य:

  • पांढरे वाटणे - २५० ग्रॅम.
  • उकडलेले बटाटे - २ मोठे
  • कांदे - ३ मोठे (बारीक चिरून)
  • टोमॅटो -२ मोठे (प्युरी साठी)
  • लिंबू -१/२.
  • जिरे १/२ टी स्पून.
  • राई १/२ टी स्पून.
  • हिंग १/४ टी स्पून.
  • हळद १/४ टी स्पून.
  • आले लसूण पेस्ट २ टी स्पून.
  • लाल मिरची पावडर १+ १/२ टी स्पून.
  • कांदा लसूण मसाला १ टी स्पून.
  • काश्मिरी मिरची पावडर १ टी स्पून.
  • गरम मसाला पावडर १ टी स्पून.
  • धने पावडर १+ १/२ टी स्पून.
  • जिरे पावडर १/२ टी स्पून.
  • कढीपत्याची पाने १०-१२.
  • मीठ चवीनुसार.
  • तेल १+ १/२ टेबलस्पून.
  • गरम पाणी -३ ग्लास.

कृती:

  • वाटणे रात्रभर भिजत ठेवा
  • दुसऱ्या दिवशी ते पूर्णपणे बुडतील एवढे पाणी घालून कुकर ला ७ -८ शिट्ट्या काढून ते शिजवून घ्या.
  • एक मोठ्या कढईत तेल चांगले तापवून घ्या त्यात राई घालुन ती पूर्णपणे तडतडू द्या त्यानंतर त्यात जिरे घाला व परतून घ्या 
  • आता आले लसूण पेस्ट घालून ती थोडी परतून घ्या. बारीक चिरलेला कांदा घाला व सोनेरी रंगावर परतवून घ्या.
  • आता त्यात हळद आणि हिंग, कढीपत्ता घालुन परतवून घ्या त्यानंतर लाल मिरची पावडर, काश्मिरी मिरची पावडर, कांदा  लसूण मसाला, गरम मसाला पावडर, धने जिरे पावडर घालून छान लालसर होईपर्यंत भाजून घ्या.
  • आता त्यात वाटणे कुस्करून घाला, व बटाट्याचे तुकडे करून घाला व ३-४ मिनिटे परतवून घ्या.
  • आता त्यात गरम पाणी घालून मिश्रण छान उकळू द्या. २-३ मिनीटे शिजवून लिंबाचा रस घालून मिक्स करा व कोथिंबीर घाला व गॅस बंद करा.
  • मिसळ तयार आहे, फरसाण, कांदा व पावसोबत सर्व्ह करा.
  • मला खात्री आहे ही रेसिपी तुम्हाला नक्की आवडेल तेव्हा नक्की करून पाहा, कंमेंट आणि शेअर करायला विसरू नका.

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

बटर पनीर मसाला

इमेज
साहित्य : काजू – १/२ पेला. मगज बी – १/४ पेला (पर्यायी). पनीर – १०० ग्रॅम. टोमॅटो – १ मोठा. कोथिंबीर बारीक चिरून – २ टी स्पून. आले लसूण पेस्ट – १ टी स्पून. तमालपत्र (तेजपत्ता) – २-३. लवंग -२. काळी मिरी- ४. दालचिनी- २ इंच. वेलदोडा – १. हिरवी वेलची – ४. चक्रीफुल – १. लाल मिरची पावडर – १/४ टी स्पून. धने जिरे पावडर – २ टी स्पून. काश्मिरी मिरची पावडर – १ टीस्पून. गरम मसाला पावडर – १/२ टी स्पून. हळद – १/४ टी स्पून. कसुरी मेथी – १ टी स्पून. व्हिनेगर – १ टी स्पून. साखर – चिमूटभर. रेड ऑरेंज फूड कलर – चिमुटभर (पर्यायी). तेल – २ ते ३ टे स्पून. पाणी -१ पेला. काळे मीठ – चिमुटभर. मीठ – चवीनुसार. कृती : सर्वप्रथम काजू धुवून १५ ते ३० मिनीटे कोमट पाण्यात भिजवून घ्या. मगज बी देखील धुवून भिजवा, मगज बी वापरत नसल्यास वरील साहित्यात काजूचे प्रमाण दुप्पट घ्यावे. पनीर धुवून ते १० मिनीटे पाण्यात ठेवा व नंतर त्याचे चौकोनी आकाराचे तुकडे करून घ्या.पाणी घातल्याने पेस्ट जळणार किंवा पॅन ला चिकटणार नाही व त्याची चव पाण्यात उतरते. आले व लसूण समप्रमाणात घेऊन त्याची अगदी मऊ व पातळ अशी पेस्ट बनवून घ्यावी. आता भिजवलेले काज...
अधिक वाचा

मेथीची भाजी

इमेज
मेथीची भाजी ही अत्यंत पौष्टिक असते यात भरपूर प्रमाणात प्रोटीन, जीवनसत्त्वे व कॅल्शिअम, मॅग्नेशियम, लोह यांसारखी खनिजे असतात. तसेच यातील तंतुमय पदार्थ आपला कोठा स्वछ राखण्यास मदत करतात. म्हणून रोजच्या आहारात याचा समावेश करणे अत्यंत फायद्याचे ठरते. ही भाजी बाळंतिणीसाठी अतिशय उपयुक्त आहे, खालील कृतीत मिरची चा वापर कमी करून पातळ भाजी करून बाळंतिणीला देता येते. साहित्य : मेथीची जुडी – १. शेंगदाणे – १/२ वाटी. हिरव्या मिरच्या -  ३ ते ४. लसूण – ७ ते ८ पाकळ्या. जिरे – चिमूटभर. मीठ - चवीनुसार. तेल – ४ ते ५ टी स्पून. कृती : मेथीची भाजी पाने आणि पानालगत कोवळ्या बारीक कड्यांसाहित निवडून घ्या. ही भाजी एका मोठ्या पातेल्यात कोमट पाणी घालून त्यात टाका व थोडी अलगद ढवळा. व ती पातेल्यातच राहू द्या त्यामुळे भाजीतले माती व जंतू खाली तळाला जातात शिवाय भाजीचा कडवटपणा कमी होतो आता शेंगदाणे धुवून ती मंद आचेवर तव्यावर खरपूस भाजून घ्या, ह्यास साधारण ६ ते ७ मिनीटे लागतील. आता भाजलेले शेंगदाणे थोडे कोमट झाले की त्यावर वाटीच्या साहाय्याने दाब देऊन साले काढून घ्या. आता मिक्सर मध्ये हे शेंगदाणे, मिरच्या, लसूण, जिर...
अधिक वाचा

वांग्याचं भरीत

इमेज
साहित्य : मोठे काळे वांगे – १. लसूण – १ गड्डी (१२ ते १५ पाकळ्या). हिरव्या मिरच्या - ४. आले – १/४ इंच. जिरे – १/४ टी स्पून. राई – १/४ टी स्पून. हळद -१/४ टी स्पून. हिंग – १/४ टी स्पून. कडीपत्ता – ६ ते ७ पाने. तेल – ५ ते ६ टी स्पून. मीठ – चवीनुसार. कृती : वांगं गॅस वर ठेवून सर्व बाजूनी साल पूर्ण काळी होऊन पापुद्रे निघेपर्यंत भाजून घ्यावे. आता ते थंड होऊ द्या. लसूण, आले हिरवी मिरचीचा खरखरीत जाडसर ठेचा मिक्सर ला वाटून घ्या. वांगं थंड झाल्यावर त्याची साल काढून वरचे वर पाण्याने धुवून घ्या व मधून कापून घ्या. आता एक तवा गरम करून त्यावर तेल घाला, तयार राई घालून तडतडू द्या त्यानंतर जिरे घालून परतून घ्या व कडीपत्ता थोडा चुरडून घाला. त्यानंतर मिक्सर मध्ये वाटलेलं ठेचा घालून हळद व हिंग घाला आणि १ मिनिटं त्याचा कच्चेपणा जाईपर्यंत परतून घ्या. आता त्यात वांग घाला व ते तव्यावरच कुस्करून घ्या. मीठ घालून सर्व मिश्रण एक ते दीड मिनिटे चांगले परतवून घ्या.  व झाकण ठेवून दीड ते २ मिनीटे शिजू द्या परंतु मध्ये मध्ये परतत राहावे जेणेकरून भाजी तव्यावर चिकटणार नाही. आवश्यक वाटल्यास तुम्ही त्यात आणखी तेल घालू शक...
अधिक वाचा